انا عايز اخد رأيكم فى حاجه : الطبيعى اننا نبدأ صفحة جديدة لكن المشكلة اننا كل ما نقلب الصفحة القديمة نلاقى الصفحة الجديدة مكتوب فيها الفساد ايه الحل ؟ طب نكتب فين ؟ كل السطور ملوثه , الكل اصبح موضع شك ---
يا ترى الناس اللى بتقول نعمل ثورة جديدة دى بدور على صفحة بيضا علشان تعرف تكتب تاريخ جديد نضيف مش ملوث .. جايز ,,,, ولا الناس اللى دايما بتقول لا كده كفايه حرام عليكم غرقتم البلد ثورة ايه اللى انتم عملتوها الوضع الاول كان احسن ,, تفتكروا الناس دى تقدر تكتب فى الصفحة اللى مش نضيفة ؟ طب لو كتبوا فى السطور الملوثة دى هنعرف نقرا اللى هيكتبوه ينفع نكتب بقلم جديد على سطر مكتوب عليه ؟ هنعرف نقرا ؟ طب لو مش هنعرف نقرا يبقى الكتابه ملهاش لزمه .. بصراحة كده ومن الاخر انا مع الناس اللى فى الاول انا بحب النضافة ,, يا ترى انت مع مين ؟ لو فهمت حاجه جاوب على سؤالى اللى فى اخر وقولى الافضل تكتب على صفحة بيضا ولا صفحة ؟؟؟؟؟؟؟؟؟؟؟؟؟؟؟؟؟؟؟
ليست هناك تعليقات:
إرسال تعليق