الخلطة المصرية !!
بقلم الساخر : خالد مهدي
الخلطة المصريه هى خلطة غير منطقية في بلد يعمل بميكانيزم مختلف تماما عن الشعوب المتحضرة،
فهكذا تجري الأمور في مصر..
خد عندك :
جرام سليكون + مدير أعمال صايع = مطربة تكسر الدنيا
كرتونة بيض + جهاز ديكودر = استوديو تحليلي
شقة مفروشة + رخصة جريدة = حزب معارض
قطعة أرض صحراوية + مدير ائتمان في بنك حكومي = ملاعب جولف
متر قماش + سيارة نصف نقل بميكروفون = عضو مجلس شعب
موبايل بجراب + جاكيت جلد = أمين شرطة
مسَّاحات عربية مرفوعة + شخص هارب من أحكام بالسجن = باركنج
اتنين مابيحبوش بعض + تقرير عن اعتصام أمام مجلس الشعب = برنامج توك شو
طبلة وصاجات + نعي لناس ماتت = جريدة قومية
طبلة مكتومة + نعي لناس عايشة = جريدة مستقلة
عيدية رمضان + 3 إيشاربات ملونة فوق بعض = تحرش جماعي
سلعوة بـ 3 رجلين + شريط حبوب مخدرة = سواق ميكروباص
شاب حاصل على بكالوريوس تجارة + تشكيلة من الصابون المعطر = دكتور صيدلي
جهاز قياس الضغط + لبانة سكرها راح = مشجع زملكاوي !
ليست هناك تعليقات:
إرسال تعليق