الناس بتسأل ؟؟؟
بقلم : صبحي وحيد
الناس بتسأل هى ليه اهداف الثورة مبتتحققش ؟
هو ليه مفيش حكومه بتشتغل للناس بداية من حكومة شفيق اللى عينها مبارك مرورا بحكومات شرف والجنزورى وقنديل اللى عينهم طنطاوى مرورا بحكم الاخوان البائس ونهاية بحكومة الببلاوى ؟
لكن المشكلة هنا فى السؤال نفسه .. للاسف الناس بتسأل السؤال الغلط ..
لازم نسأل هل حصل ثورة اصلا فى مصر ؟؟
كمان هل الحكومات دى بيعينها الشعب فولائها للشعب ؟؟
للاسف الاجابة مش هتعجب ناس كتييير :::
فى ثورة حصلت فى مصر .. نعم !
فى احلام كتيير حلم بيها الشعب اللى كان نفسه فى الحرية ( طبعا مش كل الشعب ),, نعم !
لكن الثورة اتسرقت وكمان الاحلام اتسرقت !
تعالوا نشوف مين اللى عين الحكومات المتتالية من بعد الثورة اللى بتيجى كل همها الانتقام من الثورة :: مبارك - طنطاوى - مرسى ( عسكرى فى لعبة الشطرنج ) - السيسى
لما نيجى نبص عليهم نلاقيهم كلهم عسكر وده يؤدى الى نتيجة واحدة : ان العسكر مش هيسمحوا بثورة , العسكر مش هيسمحوا بحكم غير عسكرى , العسكر مش هيسمحوا لنا بالحلم !
هل ده معناه اننا نيأس ؟؟
ايوه لازم نيأس ! لان الغابة البقاء فيها للاقوى ! واحنا فى غابة من 60 سنة !!! او يمكن اكتر كتييير بس احنا منعرفش تاريخنا او مبنفتكروش غير من ثورة 56 !!
نبدء باول رئيس بعد ثورة 56 ::
محمد نجيب :: ليه اتعزل واتحددت اقامته ؟؟
جمال عبدالناصر :: ليه اتقتل ؟؟
السادات ليه تم اغتياله ؟؟
مبارك ليه اتخلع واتحددت اقامته ؟؟
لو قدرنا نجاوب على كل الاسئله دى ونربط الاجابات ببعضها .. صدقونى هنعرف احنا ليه لازم نيأس من حدوث تغيير فى مصر !!!
نفكر بشكل مختلف شويه :: نسيب العسكر يحكموا ونقول اهو ده كان درس ليهم واكيد هيصلحوا البلد ويقضوا على الفساد والفقر والجهل ,, ما افتكرش !!!!
والله انا ما عايز احبط حد ولا ايأس حد لكن دى بعض الهواجس اللى كانت شغلانى قولت افضفض معاكوا !!!
ودى قناعاتى الشخصية ويمكن متعجبش ناس كتيير ,, بس هم احرار ,, وانا كمان حر !!!
وبعدين التاريخ بيقول ::: مصر لحكامها أيا كانت جنسيتهم :: مش لشعبها ::::
واللى مش مصدقنى يرجع للتاريخ .
ليست هناك تعليقات:
إرسال تعليق